මැයි මාසය දුර තියාම දකිනකොට මතක් වෙන්නේ අප කාටත් මැයි පළමුවැනිදා යි ,ඒ වගේම ලෝක කම්කරු දිනය කියලත් පිරිසක් දන්නවා.

 රතු පාට ,කොළ පාට ,නිල් පාට ආදී පාට පාටට කොඩි දාගෙන බුරුතු පිටින් රට වටේ දියවු දියවු කිය කියා ,කම්කරුවන් යැයි කියාගන්නා පිරිසක් මැයි සමරන්නට පාරට බසියි ..වෙනදාට නැති කැක්කුමක් මූනෙන් විතරක් දෝරේ ගලාගෙන යන්න ඇරලා ,ගිරිය කඩාගෙන මයික්‍රපෝන ගිලගෙන ,එදාට විතරක් කෑ ගහනවා .වෙනදට මාර්ග නීති පවා සුනු විසුනු කරගෙන ,සීතල කරපු බේන්ස් එකෙ යන ,මිනිහෙක් මැරුනත් අවුව සැරයි නම් ,එලියට වත් නොඑන ,ජනතා පාලකයින් යැයි කියාගන්නා ,අපිම විසින් අපේම කතිරෙන් 

අපිටම  වල කපාගෙන උස්සලා තිබ්බ ඈයෝ ..  අන්න එදාට මහා අවුවේ ,දාඩිය පෙරාගෙන පරවල් දිගේ යන්න එනවා .හැබැයි තනියම නෙමේ 200ක් විතර ආරක්ෂක වළල්ලක් වටේට දාගෙන .

රටේ ප්‍රශ්නලූ ,..රට අරාජිකයිලූ ...

කිය කියා කුමක් හෝ ඒ ඒ  කාලෙට පවතින ආණ්ඩුවකට කෑ ගහනවා .අනේ ඒත් ඇත්තටම දහ දුක් විදින මොණරාගල පුංචිරාළලා ..,වන්නි හත්පත්තුවේ හීංබන්ඩලා ,කලු මැනිකලා ,දකුනේ ගාල්ලේ මාතර මහ මුහුදත් එක්ක හැප්පෙන ගිරිගෝරිස්ලා ,ඇග්නස් නෝනලා එදාට රූපවහිනිය ඉස්සරහට වෙලා මේ මහා ඔපෙරා ,නාටක  දිහා බලාගෙන එක කොනකින් හිනා වෙන ගමන් ,තවත් පැත්තකින් "අනේ මුන්ට හෙන ගහන්නෙ නෑනෙ මේ කොරන මුසාවට " කියල හිත යටින් දෙස් දෙවොල් තියන්නේ නැද්ද?

සැබෑවටම වැඩ කරන ජනතාව අද මැයි සමරනවාද ?

 අහෝ දුකකි ,මේ මහා නාඩගමට අහුවෙන අපේ gගම් වල ඉන්න ඈයෝ කලවම් කරපු සීල් අරක්කු බාගෙටයි සම්බා හාලෙන් ගහපු කහ බතටයි මාස ගනන් අයිස් යට කරනම් ගහපු කුකුල් මස් කෑල්ලටයි වහල් වෙලා ,නිකන් ගමට එන උන්ගේම බදු මුදලින් නඩත්තු වෙන ලංගම බසයේ ගොඩ වෙලා ,තමන්ට හෙන ගැහුවත් 

ලගට නොඑන දේශපාලුවෝ වෙනුවෙන් සාදු තිය තියා කොළඹට එන්නේ මැයි සමරන්නලු .....

අතට දෙන සීල් අරක්කු බාගෙ බීලා ,,බත් මුලේ තියෙන මස් කැබැල්ලෙන් කට ගැස්ම
සනසාගෙන ,මහා වැඩකරනා නයකයන්ගේ වන්නමට තාලෙට අත්පුඩි ගහලා ,හවස් වෙද්දී ආපහු නිවසට එනවා .අරුමෙක මහත නම් ,එදාට කුලියට මඩියට නොයෙන මේ අනුවන මිනිසුන් නිසා තම දරු පවුල දුක් විදින ජනතාවගේ දිනය දා සා ගින්නේය .රටේ පාලනය කල යුතු ,රට සංවර්ධනයට ගෙන යා යුතු ඈයෝ
අර වැඩ කරන ජනතාවගේ දවසේ  කරන්නේ...
එකිනෙකාට මඩ ගසාගෙන අවසානයේ තම තමන්ගේම රෙද්දේ සායම යවාගන්නා එක
නොවේද ? ?
එදාට අර පන අදින මිනිහට පේන්න වේදිකාව උඩ පොර කොටාගෙන ...ඒ
වේදිකාවෙම පිටි පස්සේ ඒ කුකුල්න්ම හොර ගල් සතුටෙන් අහුලන බව අනේ අපේ අප්පුහාමිලා දකින්නේ කවදාද????

1886 ඇමරිකාවේ හේමාකට් චතුරශ්‍රයේ ඉදිරිපිට කරන ලද වැඩ වර්ජනයේ දී කම්කරුවන්
තම අයිතිවාසිකම් දිනා ගත්හ .1926 සිට මෙරට කම්කරු නායක ඒ ,ඊ .ගුනසිංහ මහතාගේ නයකත්වයෙන් අරම්භ කල මෙරට මැයි රැලි වලින් මෙරට ඇත්තටම දුක්
විදින පීඩිතයා දිනා ගත්තේ මොනවාද ?????
මේවට උත්තර මැවෙන්නේ මිරිගුවක් වැනි අවකාශයක් නොවේද ?
අපි හිතමු ...
"සැබෑවටම මේ  මැයි ද සමරන්නේ ?"

අදහස ..

තිලක් වනසිංහ (ශිෂ්‍ය)

ජන සන්නිවේදන අධ්‍යනාංශය

කැළණිය විශ්ව විද්‍යාලය

             ගුවන් විදුලි වර්ධනය  හා බැදුනු   ශ්‍රි  ලංකාවේ ගුවන් විදුලි කොමිෂන්

ශ්‍රී ලංකා ගුවන්විදුලි වර්ධනය පිලිබඳ විමසීමෙදී ,එක් නිර්නායකයක් ලෙසට ගුවන්විදුලි කොමිෂන් සභා හදුනා ගත හැකිය .එම කොමිෂන් මගින් කරන ලද නිර්දේශිත, කාලීන සමාජ පදනම නියෝජනය කරයි .එබැවින් ගුවන්විදුලි කොමිෂන් හා එහි නිර්දේශ ශ්‍රීලංකා ගුවන්විදුලියේ  ගමන් මග මනා ලෙස පහදා ගැනීමට උපකාරී වේ .

කොමිෂන්..... 

1. කන්දයියා වෛද්‍යනාදන් කොමිෂම
2. එන් .ඊ .වීරසූරිය කොමිෂම
3. සරච්චන්ද්‍ර උපදේශක කමිටුව
4. හුලුගල්ල කොමිෂම
5. වී .සී.ජයසූරිය කොමිෂම                                                           

                                           කන්දයියා වෛද්‍යනාදන් කොමිෂම

• 1940 ඔක්තෝබර් 28 වෙනිදා කන්දයියා වෛද්‍යනාදන් කොමිෂම පත් කරන ලදි .
• ප්‍රධානියා වූයේ aඅමාත්‍යසර් ජෝන් කොතලාවල මහතායි .
• සාමාජිකයන් 12 කි . එනම් ,                                                                                                                                                  
• මිල් ඉරල් බ්ලැක් මහත්මිය
• ඊ .ඒ .අබේසේකර මහතා
• එච් .එම් එම්. ගසාලි මහතා
• පී .ද .එස් කුලරත්න මහතා
• නඩේසන් මහතා
• ඊ .ප්‍රයිස් මහතා
• ඩබ්ලියු.ජේ.ප්‍රයිස් මහතා
• මාක්ස් ස්.රොක්වඩ් මහතා
• දේවාර් සූර්‍යසේන මහතා
• ඩබ්ලියු,ආර් .වොට්සන් මහතා
• එච් .ද.එස් .ගුණවර්ධන මහතා (ලේකම්)
•  එස් .පරරාජසිංහ මහතා          
• 
  

                                                        1941 මැයි මාසයේ 16 වන දින කොමිසම සිය වාර්තාව ඉදිරිපත් කලහ .එහි ප්‍රධාන නිර්දේශ 07 කි  

1. ගුවන් විදුලිය වඩාත් ප්‍රගතිශීලි ක්‍රියා පිලිවෙතක් අනුගමනය  කල යුතුය
2. පවතින ට්‍රාන්ස්මීටර් ප්‍රමාණවත් නොවන බැවින් වෝට් 20 ට්‍රාන්ස්මීටර් සවි කල යුතුයි
3. ගුවන්විදුලි මධ්‍යස්ථාන ස්තීර ගොඩනැගිලි වලට ගෙන ආ යුතුය
4. වැඩසටහන් නිෂ්පාදනයන් සදහා අයෝජනය කරන මුදල් ප්‍රමානය වැඩි කල යුතුය
5. වැඩසටහන් සැලසුම් කිරීමෙදී උපදෙස් දීමෙ අවශ්‍යතාව පැහැදිලිකරන කොමිසම බටහිර සිංහල,දෙමළ.සහා අධ්‍යාපන යන අංශ 04       සදහාම උපදේශක කමිටු අවශ්‍යතාව පැහැදිලි කලහ
6. ප්‍රජාමූල ශ්‍රවන මධ්‍යස්ථාන ආරම්භ කිරීම හා පාසල් ගුවන්විදුලි කමිටු අවශ්‍යතාව
7. කාලයට ඔබින  අන්දමේ  තැටිගත කිරීම්  අවශ්‍යතාව

ගුවන්විදුලි වැඩසටහන් පුළුල් ලෙස ක්‍රියාත්මක කිරීම කෙරෙහි අවධyානය යොමු කල මෙම කොමිසම තාක්ෂණික සහා වැඩසටහන් යන අංශ 02ක කෙරෙහිම අවධානය යොමු කරන්නකි

• 1942 පෙබරවාරි 02 දිනරාජ්‍ය මන්ත්‍රණ සභාව විසින් මෙම යෝජනාව පිලිගෙන තිබේ .
•  මුලින්ම කර ඇත්තේ පාසල් ගුවන්විදුලි කමිටු පිහිටු වීමයි
• සෙසු යෝජනා 02 වන ලෝක යුද්ධය නිසා ක්‍රියාත්මක කිරිම කල් ගත විය
• උපදේශක කමිටු පත් කරන්නේ 1946 දීය
• සිංහල වැඩසටහන්   කමිටුව  ඊ .ඒ .අබේසේකර මහතගෙ sසභාපතීත් වයෙන්  විය
•  දෙමළ කමිටුව කනගරත්නම් මහතා යටතේ විය .
• ඉංග්‍රීසි වැඩසටහන් කමිටුව දොස්තර සෙටජි මහතා යටතේ විය 

                 මෙම කමිටු ඔස්සේ ගුවන්විදුලි වැඩසටහන් ඉතා සාර්ථකව විය .

     ශ්‍රීලංකා ගුවන්විදුලියේ ප්‍රධානියා  වූයේ ජෝන් ලැප්සන් මහතායි .මේ කාලයේදී කොමිසමේ පරිදි ගුවන්විදුලියේ වැඩසටහන් වර්ධනය සදහා කමිටු10 ක් පත් කලහ .

01.සිංහල උපදේශක කමිටුව

02.  දෙමළ" "

03.බටහිර " '

04.පාසැල් "  "

05.ග්‍රාමීය කටයුතු "  "

06.බෞද්ධ "  "

07.හින්දු  '  "

08.ක්‍රිස්තියානි "  "

09.මුස්ලීම්  "   "

10.පොදු උපදේශක කමිටු යනාදියයි .

බොරැල්ල කොටා පාරේ තිබූ ගුවන්විදුලි ආයතනය වර්තමානයේ පවතින ටොරින්ටන් භූමියට ගෙන ආවේ මේ කාලයේදීයමය .(1951) ඒ වගේම මේ කාලයෙදී  ගුවන්විදුලි පාසල් සේවය ආරම්භ විය .

• මෙම සෑම කමිටුවක්ම  මසකට වරක් එක් වූ අතර ,කමිටු සභාපතිවරුන් හා අධ්‍යක්ෂ ජෙනරාල් අතර 02මසකට වරක් හමුව සිදු විය .

එන් .ඊ .වීරසූරිය කොමිසම.

1953 අප්‍රේල් මාසයේ 04 වන දින මෙම කොමිසම පත් කරන ලදි .ඒ වීරසූරිය මහතාගේ සභාපතීත්වය යටතේය .

සෙසු සාමජිකයන් ලෙස .

• කේ .එස් .අරුලානන්ද
• එස් .පරරාජසිංහ
• මාර්ටින් වික්‍රමසිංහ
• ඩී.බී.ඇහැලේපොළ
• දේවර් සූරියසේන

යනාදීන් විය .

මෙහි වාර්තාව ඉදිරිපත් වූයේ වසර 02 කට පසුවය .

කොමිසමේ නිර්දේශ:-

• ජාතික සේවා වැඩසටහන් වැඩි කිරීම
• ශිල්පීන් තෝරා ගැනීමේදී පක්ෂපාති නොවීම
• වැඩසටහන් මනා සැලැස්මෙන් යුතු වීම හා පෙරහුරුවකින් පසුව ප්‍රචාරයක් කිරීම
• ග්‍රාමීය සංගීතයට මුල් තැනක් දීම හා එය නංවාලීම
• ග්‍රාමීය ජනයාගෙ අවධානය දිනා ගැනීමට කටයුතු කිරීම
• ප්‍රාදේශිය පුවත් වලට වැඩි ඉඩක් දීම
• ගුවන්විදුලිය හා අධ්‍යාපන දෙපාර්තමේන්තුව අතර මනා සහසම්බන්ධයpක් පවත්වාගැනීම

යනාදිය මෙහි නිර්දේශ විය .

• මෙම කාලයේදීම වෙළඳ සේවය හා සමග  තරගකාරිව  ස්වදේශීය සේවය ආරම්භ විය .
  

  
• නිර්දේශ පරිදි ගුවන්විදුලි සංගීත අංශයක් ආරම්භ විය .
• 1955 කාලය වන විට ගුවන්විදුලි බලපත්‍රලාභී  සංඛ්‍යාව 122860 ක් පමන වී තිබින .

                                                           හුළුගල්ල කොමිෂම

• 1965 ජූලි 31 වන දින එවකට සිටි අග්‍රාණ්ඩුකාරවරයා විසින් මෙම කොමිසම පත් කරන ලදි .
• පලමු සභාපතිවරයා වූයේ  එච් .ඒ .ඩී .හුළුගල්ල මහතායි .
• සෙසු සාමාජිකයන් වූයේ ,
• හෙට්ටිමුල්ලේ වජිර බුද්ධි හිමි
• ඩී.බී .ඇහැලේපොළ
• එස් .රාජනායගම්

                                                         යන අයයි .

කමිටුවමාස 08කින් පසුව නිර්දේශ ඉදිරිපත් කලහ .එනම් ..,,

• දෙපාර්තමේන්තුවක් ලෙසට පවතින ය සංස්ථාවක් කිරිම
• ගුවන් විදුලිය සදහා ප්‍රතිපත්ති හා පරිපාලනය සදහා කමිටුවක් පත් කිරීම
• නවකයින් සේවයට බදවා ගැනීමේදී මනා පුහුනුවක් ලබා දීම
• මැදිරි පහසුකම් වර්ධනය කිරීම
• ශ්‍රවන පර්යේෂණ අංශයක් ඇරඹීම
• ශ්‍රාවකයන් අතර ගුවන් විදුලිය තව තවත් ප්‍රචලිත කිරීමට ගුවන්විදුලි යන්ත්‍ර වල මිල අඩු කර ලබා දීම
• ශ්‍රීලංකාවේ රූපවාහිනි සේවයක් ආරම්භ කිරීම හා එහි මුල් ක්‍රියාමාර්ග හදුන්වා දීම
  

  

නිර්දේශයට අනූව 1966 මැයි 21 වන දින ගුවන්විදුලි සංස්ථාවක් කිරීමට අනුමැතිය ලබා දීම සිදු විය .ඒ අනූව 1966 නොවැම්බර් 15 වන දින අංක 37 පනත යටතේ ගුවන්විදුලිය  "ගුවන් විදුලි සංස්ථාවක් " කරන ලදි .

                                                   වී .සී.ජයසූරිය  කොමිෂම

• 1970 ඔක්තෝබර් 11වන දින පත් කරන ලද මෙම කොමිසමේ පලමු සභාපතිවරයා වූයේ වී .සී .ජයසූරිය මහතායි .
• සෙස්සන් ලෙස ,
• ඉවිලියන් ප්‍රනාන්දු
• එස් .එම් .ඩී .සිල්වා  විය .

නිර්දේශ:-

•  වෙළඳ සේවය හා ජාතික සේවය එකම ප්‍රධානියෙක් යටතට ගැනීම
• ප්‍රවෘත්ති අංශය ප්‍රතිසංවිධාන කිරීම
• සිංහල බෙරවාදන කණ්ඩායමක් සංගීත අංශයට ගැනීම
• පාසැල් අධ්‍යාපන වැඩසටහන් ප්‍රතිසංවිධාන කිරීම 
• ගුවන් කාලය භාවිතා කිරීමෙදී ලාභය සාධකයක් නොකරගැනීම
• වෙළද සේවා සංගීත හා ගීත භාවිතය විවේචනයට භාජනය කරයි 

මෙම කාලය වන විට තිබූ ආර්ථික ප්‍රතිපත්ති මත මෙම කොමිසම තීරන ගෙන තිබේ , 

• එවකට තිබූ සංවෘත ආර්ථික ප්‍රතිපත්ති තුළ ලාභ උපරිම කිරිමේ අවශ්‍යතාවක්      ගුවන්විදුලියට නොවීය .

                                         සරත්චන්ද්‍ර උපදේශක කමිටුව

• ගුවන්විදුලි කොමිසමක් නොවූවද 1960 සංගීත වැඩසටහන් වර්ධනය කල යුතු ආකාරය සලකා බැsලීම සඳහා පත් කර තිබේ .
• මෙම උපදේශක කමිටුවේ සැලසුම් කරුවන් ලෙස කටයුතු කරන ලද්දේ  ආචාර්‍ය එදිරිවීර සරත්චන්ද්‍ර හා ලයනල් එදිරිසිංහ ,එම් .පට්ටිආරච්චී යන අයයි .

ගුවන්විදුලි විදුලි සංගීතය බහුතර දෙනාගෙ ග්‍රහනයටh අසුවන්නක් බැවින් උසස් සංගීත ප්‍රචාkරය කල යුතු බව කමිටු  nනිර්දේශය විය .

    අමතර දැනමට:-                                                             http://www.slbceng.org/pdf/Radio%20Ceylon-Sri%20Lanka%20Broadcasting%20Corporation.pdf

https://en.wikipedia.org/wiki/Sri_Lanka_Broadcasting_Corporation

ගුවන්විදුලි මාධ්‍ය සම්භවය හා මාධ්‍ය විකාශනය -කමල් වලේබොඩ

කියවීම මිනිසා සම්පූර්න කරයි "

සැකසුම ;- තිලක් වනසිංහ (ශිෂ්‍ය)

ජන සන්නිවේදන විශේෂවේදී උපාධි පාඨමාලාව ..

ජන සන්නිවේදන අධ්‍යනාංශය

කැළණිය වි.විශ්වවිද්‍යාලය

අමතන්න :- 07101756167